10 Feb Una cosa. Irantzu Sanzo
Una cosa
Data eta tokia: 2013-4-26 eta 2013-6-30, Huarte- arte Garaikideko Zentroa (Nafarroa)
Ekoizlea: Huarte zentroa/Nafarroako Gobernua. Arte Plastikoak Sortzeko Laguntzak 2012. Nafarroako Gobernua.
Erakusketa hau egungo prozesu eta proiektu artistikoari datxezkion maila desberdinek definitzen duten proiektu batetik sortu da, zehazki, kode fotografikoari eta eskultura-kodeari dagokionetik. Gertakari bat argazkigintzako eta eskulturako laborategi bat sortzean oinarritzen da, esperimentazioaren eta esperientzia artistikoaren indar eroale gisa funtzionatuko duena. Jarrera hartzen duen estrategia gisa aurkezten da, eta arte-ekoizpenaren baldintzen isla geroratu moduko gisa ezartzen da. Beraz, laborategia sistema praktiko bat da, artistari praktikaren beraren hausnarketara hurbiltzeko aukera ematen diona. Ekoizpena ikusteko modu hau autoflexiboa da eta obra barrutik lantzeko aukera ematen dio, hau da, bere prozesu, egitura eta testuingurutik. Bere sortzaileak definitzen duen bezala: gauza bat da prozesu bat, ikerketa bat, abentura bat, sistema bat eta irudi-laborategi bat. Bere ezaugarriak direla eta, proiektu honen helburua ez da obra zehatzak egitea, baizik eta esperimentazio baten bideak seinalatzea. Horrela, artearen ikerketa eta esperimentaziotik abiatuta, irudia egituratzeko modu berriak planteatzean datza lan hau.